Эркин Алымбеков депутаттык мандатын тапшыруу үчүн БШКга арыз берди

Жогорку Кеңештин депутаты Эркин Алымбеков мандатын тапшыруу үчүн Борбордук шайлоо комиссиясына арыз берди. Муну депутат өзү 7-февралда журналисттерге билдирди. “Эми депутат эмес, катардагы жаран катары “Кумтөр” маселеси боюнча элдин кызыкчылыгын коргойм”,- деди депутат.

Эскерте кетсек, парламентте 5-февраль күнү “Кумтөр” боюнча өкмөттүн меморандуму каралып жатканда Эркин Алымбеков “өлкө кызыкчылыгына жооп бербеген бул келишим парламентте колдоо тапса, мен депутаттыктан кетем” деп билдирүү жасаган эле. Меморандум 6-февралда Жогорку Кеңеште колдоо тапты.

Автор: Автандил Добулбеков