Боомдогу кылмышка шектүү Заур Магомедов дарыланган психиатриялык оорукананын кызматкерлерине кылмыш иши козголду

Боомдогу кылмышка шектүү Заур Магомедов дарыланган Кызыл-Жардагы психиатриялык оорукананын кызматкерлерине кылмыш иши козголду. Бул тууралуу бүгүн, 11-февралда маалымат жыйынында ИИМдин Уюшкан кылмыштуулукка каршы күрөшүү башкы башкармалыгынын жетекчиси Рафик Мамбеталиев билдирди.

Анын айтымында, Заур Магомедов 2010-жылдан 2012-жылга чейин Казакстандын Талгар шаарындагы психиатриялык ооруканада дарыланган. Андан соң ал Кыргызстанга экстрадицияланып, Кызыл-Жардагы психиатриялык ооруканага жаткырылган.

"Ушул убактын ичинде Магомедов ооруканадан оңой эле чыгып, Кыргызстандын аймагында эркин жүргөн. Анын кадамдары көзөмөлгө алынган эмес. Мындан улам Кызыл-Жардагы психиатриялык оорукананын кызматкерлерине "шалаакылык" беренеси боюнча кылмыш иш козголду",- деди Мамбеталиев.

Эскерте кетсек, 9-февралда саат 17:00 чамасында Тоң районунун Көк-Мойнок айылында күч органдары тарабынан BMW үлгүсүндөгү унаа токтотулган. Бирок алар ага болбой качып кетишкен. Милиция кызматкери менен жол-кайгуул кызматкери аларды кууп барып токтотушканда, BMW унаасынын ичиндеги белгисиз адамдар аларга ок чыгарышкан. Натыйжада бирөөсү каза болуп, экинчиси жараат алган. Кылмышка шектелгендердин унаасынын дөңгөлөгү жарылып калгандыктан, ошол эле жерден башка Ауди үлгүсүндөгү унааны тапанча менен коркутуп токтотушуп, айдап качып кетишкен. 10-февралда Токтогул шаарынан чыга бериш жердеги “Бабур” кафесинин жанында өлтүрүлгөн.

Автор: Нургазы Аматов

15:06 11-02-2014

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (6)

infiniti

2014-02-11 15:15:58

Бул ишке тиешеси барларды,баарын катуу жазалаш керек. Ооруну жашырсан,олум ашкерелейт деген соз бар го.

Jamalym

2014-02-11 15:21:52

Псих деле эмес болуш керек.Мурда кылмыш кылып ушул "наамды" алып жургон адам да.Эми баарын териштирип жазалагыла.Же врачтардан да акча ала калалы деп кылмыш ишин козгодунарбы?

-1

tairbek.

2014-02-11 15:22:06

Биздикилер акчанын кулу болуп алышкан акча берип чыгып кеткен да

uran001

2014-02-11 15:48:44

Казакстанда кылмыш кылып ал жактан да чыккан экенда.Казакстанда деле биздин врачтарга окшоп "олуп калат" деп койо берет экенда. Кызыл-
Жардагы психиатриялык
ооруканага бекеринен которулган эмес.Кыргызстанда акча берип ээн-эркин журоберетда. Рафик Мамбеталиев эмне буга чейин анын каракчылык менен тапкан 50000$ билген эмесби?!Эми ал олгондон кийин врачтарга иш козгойт имиш.Батукаевдей эле болуп жатат да,кеткенден кийин кайра алып келебиз дегендей.

tolik-8228

2014-02-11 16:20:24

2010 жылга чейин кылган иштери боюнча эч ким ал жонундо соз кылбайт ко

asiret

2014-02-12 09:55:57

Врачтарда не куноо. Ал байкуштарды да айтсан олосун деп коркутушкан да. Же эч кандай дарыланбай эле журсо да дарыланып жатат деп каттатып коюп эркин журушкон болуш керек

Комментарий калтыруу үчүн өз ысымыңыз менен кириңиз же каттоодон өтүңүз.