Опера жана балет театрынын көйгөйү Жогорку Кеңеште айтылды

“Опера жана балет театрынын артисттеринин 4 миң сом айлык алышы уят”,- деди бүгүн, 13-февралда парламент жыйынында депутат Асия Сасыкбаева. Айтымында, аталган театр оор абалда.

“Башкы балетмейстер 7 миң сом, артисттер 4 миң сом айлык алып иштешет экен, уят. Бул мамлекет ойлоно турган көйгөй. Артисттер үйлөрү жок, батирлерде турушат экен. Барак тибиндеги үйлөрдө жашап жатышат. Театрга көңүл бурбаса болбойт, абалы оор”,- деди депутат.

Айта кетсек, учурда аталган театрда 500дөй кызматкер иштейт. Буга чейин театрдын жетекчилиги “артисттердин эң жаңы костюмдары 25 жыл мурунку кийимдер” деп билдирүү жасаган.

Автор: Автандил Добулбеков