Депутаттар саясий ачкачылыктан каза тапкан Ш.Назаркуловдун ысымын кичи мекениндеги айылга берүү маселесин көтөрүштү

“Үзөңгү-Кууштун Кытайга сатылышына каршы ачкачылык жарыялап каза тапкан коомдук ишмер Шералы Назаркуловдун ысымын Кара-Кулжа районундагы Токбай-Талаа деген айылга берүү демилгеси көтөрүлгөн. Муну Ош облусунун башчысы Сооронбай Жээнбеков айткан экен. Бирок бүгүнкү күнгө чейин анын аты ыйгарыла элек”,- деди ЖКнын 13-февралдагы жыйынында депутат Турсунбай Бакир уулу. Айтымында, бул маселени чечүүнү тездетүү керек.

Эскерте кетсек, Ш.Назаркулов 2002-жылы 22 күн ачкачылык кармоодон кийин каза болгон.

Автор: Автандил Добулбеков