Бишкек: Биринчи Май районунун акими жергиликтүү бийлик өкүлдөрү менен жолугушту

13-февралда Бишкектин Биринчи Май районунун акими Аскарбек Алиев №83-мектепте жергиликтүү өз алдынча башкаруу органдарынын, кварталдык комитеттердин өкүлдөрү менен жолугушту. Жолугушууда калктын тиричилик шарттары, кышкы жылытуу мезгилинин өтүшү, шаарды санитардык тазалоодон өткөрүп, көрктөндүрүү маселелери каралды. Райондук ИИБинин участкалык инспекторлорунун отчёттору угулду.

“Жолугушуунун жыйынтыгында белгиленген сунуштар, кайрылуулар боюнча райондук, шаардык кызматтарга көрсөтмөлөр берилип, участкалык инспекторлордун кылмыштуулуктун алдын алуу боюнча милдеттери белгиленди”,- деп билдирет мэриянын басма сөз кызматы.

Автор: Автандил Добулбеков