Ош мамлекеттик социалдык университетинин ректору Ооган ардагерлерин майрамы менен куттуктады

Ооган согушунун ардагери

Ректор Чаткалбай Райымбаев

15-февраль - Советтик аскерлердин Ооганстандын аймагынан чыгарылган күн. Майрамдын 25 жылдыгына карата кечээ, 14-февралда Ош мамлекеттик социалдык университетинин ректору Чаткалбай Райымбаев Ооган ардагерлери М.Жаныбековду, А.Кулбаевди кабыл алды. Аларга ыраазычылыгын билдирип, материалдык колдоо көрсөттү. Бул тууралуу бүгүн, 15-февралда аталган окуу жайдын басма сөз кызматы маалымдады.

Чаткалбай Райымбаев: “Өз жанын канжыгага байлап Ата Мекен, эл-жердин тынчтыгы үчүн кызмат кылганыңыздарга рахмат айтам. Сиздердин көрсөткөн эрдигиңиздер биз үчүн сыймык”,- деди.

Автор: Айсана Паизова