Орусиянын чек арасынан ымыркайларын документсиз өткөрүүгө аракет кылган кыргызстандык энелер кармалды

Орусиянын темир жол көзөмөл өткөрүү бекеттеринен жаңы төрөлгөн ымыркайлары менен кыргызстандык энелер кармалды. Алардын наристелеринде туулгандыгы тууралуу күбөлүгү жок экендиги аныкталган. Бул тууралуу бүгүн, 17-февралда Соль-Илецк шаарындагы “Замандаш” ассоциациясынын өкүлү билдирди.

Маалым болгондой, 12-февралда Оренбург облусунда орус-казак чек арасындагы көзөмөл өткөрүү бекетинде КРнын жараны К.И. анын 10 күндүк ымыркайынын документи жоктугунан кармалган.

Мындан сырткары Москва-Бишкек поезд жолунда чек ара кызматкерлери 2010, 2012-жылдары төрөлгөн, бирок күбөлүгү жок балдардын энеси Т.А. кармалды.

Азыркы тапта энелерге юридикалык, укуктук жана моралдык жардам көрсөтүлүүдө. Алар жашоочу жай жана тамак-аш менен камсыздалышты. Энелердин каржы абалы оор болгондуктан, Екатеринбург шаарынын Башкы консулдугу аларга документтерди акысыз даярдап берүүдө.

Автор: Нургазы Аматов