Нарынбек Молдобаев, депутат: “Азыр жигиттер кыздарына айдоочулук күбөлүк белек кылышууда”

Жогорку Кеңештин депутаты Нарынбек Молдобаев мас абалында кармалган айдоочулардын жазасын кескин күчөтүү керек. Бүгүн, 18-февралда өтүп жаткан парламенттик угууда: “Орусияда мас айдоочуларга салынчу айып пул 500 миң доллар, минип жүргөн унаасынан кымбат. Казакстанда 10 миң доллар. Адам өмүрүнөн кымбат эмне бар? 2009-жылы айып пулдарды көтөрүү демилгеси көтөрүлгөндө “акчанын баары МАИ кызматкеринин чөнтөгүнө түшөт” деп каршы чыктым эле. Бирок таасири болду. Азыр айдоочулук күбөлүктү жигиттер кыздарына белек кылышууда. Тармакты коррупция каптап бүттү”,- деди депутат.

Молдобаев 2013-жылы Кыргызстанда 17 миң айдоочу мас абалында кармалганын кошумчалады.

Айта кетсек, бүгүн жол кырсыктарын азайтуу маселеси боюнча парламенттик угуу өтүп жатат.

Автор: Автандил Добулбеков