Транспорт жана коммуникация министри Айдоочулар коомунун президентин жалган сүйлөбөөгө чакырды

Бүгүн, 18-февралда Жогорку Кеңештеги парламенттик угууда өлкөдөгү Айдоочулар коомунун президенти Айдар Турсуниязов транспорт жана коммуникация министрине сындарды айтты. “Министр биз менен бир да жолу жолугушкан жок, кабыл албайт” деп арызданды. Иш-чаранын соңунда министр Калыкбек Султанов аны жалган сүйлөбөөгө чакырды.

“Пайгамбар жашына келип калганда калп сүйлөгөнүңүз жарабайт. Көп эле жолу жолугушпадык беле? Комиссияга кошуп Тажикстанга алып барып, ал өлкөнүн министри менен тааныштыргам. Ооганстандан чыга албай калган унааны сүйлөшүүлөрдөн кийин өзүңүз барып чыгарып келдиңиз эле го? Анан кантип “бир да ирет жолугушкан жокмун” деп жатасыз?”- деди Калыкбек Султанов.

Автор: Автандил Добулбеков