Администрациялык жоопкерчилик жөнүндө кодекске жана Кылмыш-жаза кодексине өзгөртүүлөр жана толуктоолор киргизилди

Алмазбек Атамбаев бүгүн, 18-февралда "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" документке кол койду. Бул тууралуу президенттин басма сөз кызматы билдирди.

Мыйзамдын максаты - соода эрежелерине жана экономикалык ишмердүүлүк тармагындагы кылмыштарга шек келтирген администрациялык укук бузууларды эскертүү механизмин жогорулатуу болуп саналат.

Бул максатты ишке ашыруу үчүн КРнын Администрациялык жоопкерчилик жөнүндө кодексине жана Кылмыш-жаза кодексине тиешелүү өзгөртүүлөр жана толуктоо киргизилди.

Мыйзам расмий жарыяланган күндөн тартып он беш күн аралыгында күчүнө кирет.

Автор: Айпери Ганыжан кызы