Депутаттар Кара-Балтадагы мунайды кайра иштетүүчү завод боюнча комиссия түзүүнү сунушташты

Жогорку Кеңештин 19-февралдагы жыйынында депутаттар Кара-Балта шаарындагы мунайды кайра иштетүүчү заводдун иши боюнча депутаттык комиссия түзүүнү сунушташты. Депутат Туратбек Мадылбеков: “Жергиликтүү тургундар өкмөттүк комиссияга ишенбей турганын айтышты. Комиссия түзүп, элге туура маалымат берип коёлу”,- деди. Сунушту депутаттар Абдрахман Маматалиев, Айнуру Алтыбаева да колдоду.

Төрага Асылбек Жээнбеков бул маселе боюнча комитеттен сунуш келиши керектигин билдирди.

Автор: Автандил Добулбеков