Жантөрө Сатыбалдиев: “Депутат менен дарыгердин ортосундагы чырдын себепкери болгон аялдын өлүмүнө күнөөлүүлөр жооп беришет”

Улуттук госпиталда дарыгер менен депутаттын ортосундагы чырдын себепкери болгон аялдын өлүмүнө күнөөлүүлөр жоопко тартылат. Муну парламенттин 19-февралдагы жыйынында өкмөт башчы Жантөрө Сатыбалдиев билдирди. Айтымында, өлүмдүн себебин түзүлгөн комиссия иликтеп чыгышы керек. Жыйында депутаттар өкмөт башчыга “Саламаттыкты сактоо министри сизге каяша айтып жатат, качан министрлер каяша айтышчу эле? Анын жоопкерчилигин караш керек” дешти. Буга өкмөт башчы: “Каяша айтты" деп эле иштен ала берсем, жакында бир да министр калбайт. Коалициялык өкмөт, каяша айткандар болуп эле келе жатат”,- деп жооп берди.

Автор: Автандил Добулбеков