Депутаттар Ош жана Жалал-Абад шаарларын калыбына келтирүү дирекциясы боюнча 8ден көп иш козголгонун айтышты

Парламенттин 19-февралдагы жыйынында депутаттар “Ош жана Жалал-Абад шаарларын калыбына келтирүү дирекциясы боюнча 8 кылмыш иши козголду” деген туура эмес экенин айтышты. Туратбек Мадылбеков: “Прокуратуранын өзүндө эле 9 кылмыш иши козголгон. Каржы полициясы козгогон кылмыш иштери эмнеге айтылбайт?”- деди.

Жыйынга катышып жаткан башкы прокурордун орун басары Уланбек Халдаров бул маалымат тактала турганын айтты.

Айта кетсек, парламентте Ош жана Жалал-Абад шаарларын калыбына келтирүү дирекциясынын иши каралууда. Аны убагында Жантөрө Сатыбалдиев жетектеген.

Автор: Автандил Добулбеков