Депутаттар Ош жана Жалал-Абад шаарлары боюнча дирекциянын өкүлдөрүн “мыйзамдуу мародёрлор” дешти

Жогорку Кеңештин 19-февралдагы жыйынында депутат Максат Сабиров “Ош жана Жалал-Абад шаарларын калыбына келтирүү дирекциясынын өкүлдөрү - мыйзамдуу мародёрлор” деди. Айтымында, дирекциянын ишиндеги мыйзам бузуу фактыларына күнөөлүүлөр жазасын алышы керек.

“7-Апрель окуясында Ак үйдөн компьютер алып чыгып кеткендерди “мародёрлор” деп жатабыз. Ош окуясынан кийин эл кыйналып турганда дирекциянын кызматкерлери кошумча акы (премия) алышкан. Мунун өзү мародёрлук, булар мыйзамдуу мародёрлор”,- деди Сабиров.

Төрага Асылбек Жээнбеков депутатка эскертүү берип, алдын ала баа бербөөгө чакырды.

Автор: Автандил Добулбеков