Боом капчыгайындагы окуяда каза тапкан милиция кызматкеринин үй-бүлөсүнө үй берилет

Боом капчыгайында 9-февралда болгон окуяда каза тапкан милиция кызматкери Бакыт Абдраевдин үй-бүлөсүнө Балыкчы шаарынан 3 бөлмөлүү үй берилет. Муну бүгүн, 20-февралда парламент жыйынында өкмөттүн ЖКдагы өкүлү Ашырбек Темирбаев билдирди. “Балыкчы шаарынын мэри курулуп жаткан көп кабаттуу үйдөн 3 бөлмөлүү батир бериле турганын билдирди”,- деди Темирбаев.

Эскерте кетсек, 9-февралда Боом капчыгайында кылмышкерлердин колунан бир милиция кызматкери жаракат алып, экинчиси каза тапкан эле.

Автор: Автандил Добулбеков