Жогорку Кеңештин депутатына кылмыш ишин козгоого башкы прокурорго гана укук бере турган мыйзамга кол коюлду

Президент Алмазбек Атамбаев бүгүн, 21-февралда “Жазык-процесстик кодексине толуктоо киргизүү жөнүндө” мыйзамга кол койду. Жогорку Кеңеш тарабынан 2014-жылдын 22-январында кабыл алынган бул мыйзамга ылайык, Жазык-процесстик кодексинин 156-беренеси төмөнкүдөй мазмундагы 5-бөлүк менен толукталат:

“Кыргыз Республикасынын Жогорку Кеңешинин депутатына карата кылмыш иши Кыргыз Республикасынын Башкы прокурору тарабынан гана козголот”.

Мыйзам расмий жарыяланган күндөн тартып күчүнө кирет.

Автор: Автандил Добулбеков