Жаңы түзүлгөн Улуттук оппозициялык кыймылдын негизги максаттары

Бүгүн, 26-февралда Улуттук оппозициялык кыймылдын жыйынында анын лидери Равшан Жээнбеков кыймылдын жакынкы максаттары менен тааныштырды. Максаттары төмөндө:

1) Аскар Акаев, Курманбек Бакиев түптөп, бекемдеп, азыр Алмазбек Атамбаев улантып жаткан өлкөнү башкаруунун авторитардык түрүн жана коррупциялык схемаларын токтотуу;

2) Жогорку Кеңеш жана КРнын Президенти менен биргеликте атайын комиссия түзүп, президент Алмазбек Атамбаевге берилген (узурпацияланган) мыйзамсыз ыйгарым укуктарын чектөө. Укуктук мамлекет принцибин калыбына келтирүү;

3) Парламентаризмди ар тараптан колдоо жана бекемдөө;

4) Бардык мамлекеттик бийлик органдарынан, айрыкча сот, укук коргоо органдарынан Конституцияда жана мыйзамдарда бекитилген ыйгарым укуктардын чегинде өз алдынча аракеттенишин талап кылуу;

5) Күчтүү жергиликтүү бийликти орнотуу (шаар башчыларын эл тарабынан шайлоо, алардын бийлик укугун кеңейтүү жана каражат эгемендүүлүгүн камсыздоо);

6) Президент Атамбаевдин бийликти узурпациялап алышына көмөк көрсөтүшкөн депутаттарды, аткаминерлерди аныктоо жана элге ачык жарыялоо;

7) Криминалдык авторитет Азиз Батукаевди бошоткон чыныгы күнөөкөрлөрдүн бетин ачуу, бийликтин криминал менен чырмалышына мыйзамдык бөгөт коюу;

8) Эркин басма сөзгө цензура киргизип, бийликтин КТРК, 5-каналга карата монополиясын жокко чыгаруу.

Автор: Нургазы Аматов