“Депутаттык комиссиялардын иштери элге жетпей калууда” деди Турсунбай Бакир уулу

Жогорку Кеңеште түзүлгөн депутаттык комиссиялардын иштери элге жетпей калууда. Муну парламенттин 27-февралдагы жыйынында депутат Турсунбай Бакир уулу билдирди. Анын айтымында, Азиз Батукаев боюнча депутаттык комиссия мыкты иштеди жана бардык мүчөлөрү бир чечимге келишти.

“Нарынга чейин барып иликтеп келдик. Жыйынтыгы элге жетпей калды. Жогорку Кеңештин басма сөз кызматына тапшырма берели, бул боюнча видеоролик даярдасын, элге жеткирели. Шайлоо жакындап калды, эртең эл сурайт, эмне иш кылдыңар деп.Бул окуяга күнөөлүү жетекчилер жазага тартылбай, кайра кызматтан кызматка көтөрүлүүдө”,- деди Бакир уулу.

Автор: Автандил Добулбеков