Мамлекеттик ветеринария инспекциясы 2013-жылы аткезчилик менен өткөрүлүп жаткан 270 ири мүйүздүү малды чек арадан артка кайтарган

Мамлекеттик ветеринариянын инспекторлору 2013-жылы аткезчилик менен өткөрүлүп жаткан 270 ири мүйүздүү малды чек арадан кайтарышкан. Мындай маалымат КРнын Мамлекеттик ветеринардык жана фитосанитардык коопсуздук инспекциясынын 2013-жыл боюнча отчётунда көрсөтүлгөн.

Ага ылайык, чек арадан тийиштүү документи жок 270 ири мүйүздүү, 620 майда мүйүздүү мал, 200 килограмм сүт азыктары, 20 килограмм бал, 300 килограмм жаныбарлар үчүн жем, 2,3 миллион даана малдын териси, 2,1 миң жүндүн таңгагы, 15 тонна малдын ичеги жана 2,5 тонна өрдөк эти артка кайтарылган. Ошондой эле эл аралык мал жандыктарын ташуу эрежелерин бузуу фактысы боюнча 72 тонна эттин кайтарылганы айтылган.

Автор: Айпери Ганыжан кызы