Дмитрий Медведев “Янукович Украинанын легитимдүү президенти” деди

Украинанын Конституциясы боюнча Виктор Янукович өлкөнүн легитимдүү президенти. Эгер өлкө алдында күнөөсү болсо, мыйзам боюнча, ага импичмент жарыялоо аракети жасалышы керек. Муну Орусиянын премьер-министри Дмитрий Медведев билдиргенин ММКлар жарыялашты.

“Януковичтин кадыр-баркы дээрлик жоголду, бирок бул анын Украинанын Конституциясы боюнча өлкө президенти экенин жокко чыгара албайт. Эгер күнөөлүү болсо, мыйзам боюнча импичмент жарыялап, соттогула”,- дейт Медведев.

Орусияга экономикалык жактан күчтүү жана туруктуу Украина керектигин айтат Медведев.

Эскерте кетсек, 22-февралда Украинада бийлик алмашкан. Муну Янукович “төңкөрүш” деп атап, оппозиция 21-февралда кол коюлган макулдашууну аткарбай койгонун билдирген. 28-февралдагы маалымат жыйында “мен дагы деле өлкөнүн мыйзамдуу түрдөгү президентимин” деди.

Автор: Автандил Добулбеков