Кыргызстанда өндүрүлгөн товарлар Япониядагы эл аралык көргөзмөгө коюлат

4-7-март күндөрү Япониянын Токио шаарында «FoodEx Japan» Эл аралык тамак-аш көргөзмөсү өтөт. Бул тууралуу бүгүн, 5-мартта Тышкы иштер министрлигинин басма сөз кызматы кабарлады.

Маалыматка ылайык, аталган көргөзмөгө алгачкы жолу катышып жаткан Кыргызстан бир нече продукциясын коёт. Тактап айтсак, "Экопродукт Азиянын" табигый ширелери, "Дары Тянь-Шань" ишканасынын тоо балы жана "Кыргыз коньягы" ишканасынын коньяк, бальзамдары эл сынына коюлмакчы.

Белгилей кетсек, Кыргызстанда өндүрүлгөн бул продукциялар буга чейин да бир катар өлкөлөрдө татыктуу баага ээ болгон.

Автор: Дамира Арстанова