Эркингүл Иманкожоева: "Генетикалык модифицирленген организмдин үрөнүн себе берсек, айдоо жерлерибизден айрылабыз"

ЖКнын 5-марттагы жыйынында депутат Эркингүл Иманкожоева "ГМО үрөнүн себе берсек, айдоо жерлерибизден айрылабыз" деп билдирди. Айтымында, аталган элементти камтыган үрөн себилген жерге кайрадан таза өсүмдүк өспөйт. "Бир-эки жыл жакшы түшүм алабыз, андан кийин жерди бузабыз. Анткени жер ГМО үрөнүн гана талап кылып калат",- деди эл өкүлү.

Депутат Дамира Ниязалиева дүйнөдө 56 өлкө ГМО азыктарына чек койгонун билдирди.

Генетикалык модифицирленген организм (ГМО) - жасалма азыктар, башкача айтканда, атайын химиялык каражаттардын жардамы менен өндүрүлгөн жер-жемиштер.

Автор: Автандил Добулбеков