Ак калпак күнүн белгилөөгө чогулгандардын саны 3000ге чукулдады (фоторепортаж)

Ак калпак күнүн борбордук аянтта белгилөө үчүн келген окуучулар...

Келген кишилердин саны көп болду. Эл "Кара жорго" бийин жогору жакта тартып жаткан камеранын ыңгайына карап бийледи.

Ырды жыйыштырып, "Кара жорго" бийин бийлөө үчүн эл тизилип, ордун тапты. Алдыңкы саптарда кичинекей бийчилер орун алышкан.

"Жаңы толкун-2013" сынагынын финалчысы Айбек да элдик ырлардан аткарып берди.

"Кара жорго" бийи аткарылып жатат. Эл кошо бийлеп, суктанып карап турушту.

"Кара жорго" ыры бийчилердин коштоосунда аткарылууда.

Батма Султанова

Бул күнү жалаң мекен, улут тууралуу ырлар аткарылды. Гүлзада "Курманбек" дастанынан бир шиңгил таштады.

Жеке ырчы Бек Исраилов алгачкылардан болуп ырдап, Ак калпак күнү менен жалпы элди куттуктап өттү.

Салтанаттын расмий бөлүгүн уюштуруу үчүн сахна даярдалууда.

Иш-чарага катыша тургандар саат 11:00дү тууралай аянтка чогула башташты. Бул убакытта "Ак терек, көк терек", "Аркан тартыш" оюндары ойнолуп жаткан.

Мекенчилдик сезимдердин козголбой коюусу мүмкүн эмес. Анткени аянтта кыргыз кийимдерин кийгендердин Кыргызстандын желегин көтөрүп жүргөнү бул сезимди ойготот.

Борбордук аянтка жетип эле колуна шар кармап, башына калпак кийген жаш балдарды жолуктурдук.

Бүгүн, 5-мартта “Ала-Тоо” аянтында Ак калпак күнүн белгилөөгө чогулгандардын саны болжол менен 3000ге чукулдады.

Уюштуруучулардын билдиргенине караганда, салтанаттын катышуучуларын жолдон өтүп жаткандар, атайын чакырылгандар жана ЖОЖдор менен мектептердин ыктыярдуу өкүлдөрү түздү. Күндүн эң маанилүү окуяларынын бири чогулган элдин баарынын катышуусундагы "Кара жорго" бийин видеотасмага түшүрүү болду. 4 ирет музыка коюлуп, 4 дубль менен тартылган тасмалар ийгиликтүү чыкты деп билдиришти.