“Баткендин Чарбак айылындагы көйгөйлөрдүн баары чечилди деп өкмөт жалган айтып жатат” дешти депутаттар

Жогорку Кеңештин 6-марттагы жыйынында депутаттар “Баткендин Чарбак айылындагы көйгөйлөрдүн баары чечилди” деп өкмөт жалган маалымат берип жатканын айтышты. Депутат Улукбек Кочкоровдун айтымында, аталган айылда эч кандай көйгөй чечилген жок.

“Бир эле мисал айтайын, таза суу маселеси чечиле элек. Буга чейин айылдын эли водовоз менен суу ташып ичип келген, жакында водовозу бузулду. Айыл эли таза суусуз калды. Өкмөттүн жыйынында бардык маселелердин чечилгени айтылууда”,- деди Кочкоров.

Автор: Автандил Добулбеков