Бишкекте студенттер үчүн карьера жарманкеси өтөт

Бишкекте 12-13-мартта студенттер үчүн өтө турган карьера жарманкесине жогорку окуу жайларынын 400дөн ашуун бүтүрүүчүсү жана азыркы учурда окуп жаткан студенттердин катышуусу күтүлүүдө. Бул тууралуу иш-чаранын уюштуруучулары билдиришти.

Маалыматка ылайык, иш-чара карьера борбору жана Борбордук Азиядагы Америка университетинин (БААУ) кошумча билим берүү борбору тарабынан уюштурулууда.

Жарманкенин максаты – студенттерге рыноктук шарттарда ишкердик байланышын түзүү, жумушка орношууга көмөк көрсөтүү жана жумуш берүүчүлөргө квалификациясы жогорку кызматкерлерди табууга жардам берүү.

Жарманке БААУда өтүп, ага 30дан ашык компания катышат.

Автор: Айпери Ганыжан кызы