11-мартта Бишкектин айрым райондорунда таза суу берүү убактылуу токтотулат

"Белинский" жана "Северный" суу топтомдорунун оңдоп-түзөө иштерине байланыштуу Бишкек шаарында эртең, 11-мартта саат 9:00дөн 17:00гө чейин айрым аймактарда ичүүчү суу убактылуу токтотулат. Бул тууралуу Бишкек мэриясынын басма сөз кызматы, бүгүн, 10-мартта маалымдады.

Маалымат боюнча, К.Акиев, Күрөңкеев, Логвиненко, Панфилов, Жибек Жолу, Абдрахманов, Абдумомунов көчөлөрүндө, Кыргыз драма театрында, Улуттук филармонияда, КУУда, Улуттук статистика комитетинде жана бир катар мекемелерде таза суу берүү убактылуу токтотулмакчы. "Бишкексууканал" элге, уюмдарга жана мекемелерге таза сууну камдап алууну эскертет.

Автор: Дамира Арстанова