Назарали Арипов: “Өкмөткө ишеним көрсөтпөө маселеси алгач комитеттен колдоо табышы керек”

Жогорку Кеңеште демилгеленип жаткан өкмөткө ишеним көрсөтпөө маселеси алгач комитеттен колдоо табышы керек. Муну бүгүн, 10-мартта SUPER.KG порталына “Республика” фракциясынын лидери Назарали Арипов билдирди. Айтымында, өкмөткө ишеним көрсөтпөө үчүн кол коюп берген депутаттардын эч кимиси колун кайра чакыртып алган жок. Демилге ЖКнын Адам укуктары, конституциялык мыйзамдар жана мамлекеттик түзүлүш комитетинде каралып, андан кийин жалпы жыйынга чыгарылат.

Буга чейин депутат Каныбек Иманалиев айрым депутаттар колун кайра чакыртып алганын билдирген эле.

Айта кетсек, өкмөттү кетирүү маселесин депутаттардын үчтөн биринин колу менен (40 депутат) палатага алып чыгууга болот.

Автор: Автандил Добулбеков