10-мартка карата Оштогу дыйкандарга 9 миң тонна жер семирткич таратылды

10-мартка карата Ош облусундагы дыйкандарга 9 миң тонна жер семирткич таратылды. Маалымат бүгүн, 10-мартта өкмөт башчы Жантөрө Сатыбалдиевдин Оштогу жер семирткич сактоочу кампанын иши менен таанышуу учурунда айтылды. Ош облусуна бүгүнкү күнгө карата Өзбекстандан 10 259 тонна жер семирткич келип түштү. Сатыбалдиев Кара-Суу районундагы фермерлерди өкмөттүн жеңилдетилген насыясын алууга активдүү катышууга чакырды. “Былтыр фермерлерге 3 миллиард 200 миллион сом насыя берилген. Бул агрардык тармакты өнүктүрүүгө таасир этти, ири жана майда мүйүздүү малдын саны өстү”,- дейт өкмөт башчы.

Автор: Автандил Добулбеков