Үнөмдөө максатында электр энергиясы өчүрүлгөн Бишкекте күндүз чырактар күйүп турат

Бишкекте электр энерияны үнөмдөө үчүн жарык өчүрүлүп, көчөлөрдө күндүз чырактар күйүп турат. Мындай жагдай шаардын жашоочуларын таң калтырбай койбойт.

Ушу тапта борборубуздун Тоголок Молдо жана Токтогул көчөлөрүндө жарык лампалары жаркырап күйүп турат. Караңгынын киришине бир топ убакыт бар.

Өкмөт "электр энергиясын кымбаттатпасак болбой калды" деп жер тепкилеп турган заманда мындай "кененчиликке" түшүнбөй бишкектиктер таң. "Энергетика министрлиги каякты карап жатат? Ошолорду өчүрбөйбү, элге берген жарыкты өчүрбөй?" деген жаш активист Мырзахит Мырзаев нааразылыгын жашырган жок.

Автор: Айпери Ганыжан кызы