Тажик бийлиги Баткен жана Ош облустарынын администрацияларына Нооруз майрамын чогуу майрамдоого чакыруу жөнөттү

Тажикстандын Согдий облусунун бийлиги элдешүү максатында Баткен жана Ош облустарынын администрацияларына Нооруз майрамын чогуу майрамдоого чакыруу кагазын жөнөттү. Бул тууралуу бүгүн, 11-мартта Тажикстандын телеграф агенттиги маалымат таратты.

"Азырынча кыргыз тараптан чакыруу кагазына жооп келе элек",- деп жазылат Худжанд шаарынын администрациясы тараткан маалыматта.

Кошумчалай кетсек, эки өлкөнүн өкүлдөрү чогуу 2013-жылы Худжанд шаарында Нооруз майрамын тосушкан.

Эске салсак, 2014-жылдын 11-январында чек арадагы атышуудан кийин кыргыз-тажик чек ара өткөрүү бекеттери жабылган. Мамлекеттик чек ара кызматынын 7-марттагы билдирүүсү боюнча, чек арадан үчүнчү өлкөнүн жарандары гана өтүп жатат.

Автор: Дамира Арстанова