Крымга Москвадан келген гана учактар кондурулууда

11-мартта Крымдын негизги аэропорту Москвадан башка авиакаттамдар үчүн жабылды. Бул тууралуу Орусиянын маалымат каражаттары "Agence France-Presse" маалымат булагынын билдирүүсүнө таянып жазып чыгышты.

Маалыматка ылайык, Киевден учуп келген "Украина аба жолдору" компаниясынын учагына Симферополго конууга уруксат берилбегендиктен, кайра артка кеткен. Мындан сырткары 11-мартта Стамбулдан келчү авиакаттам токтотулган. Аэропорт Москванын эки рейсине гана кызмат көрсөткөн.

Азырынча аэропорттун басма сөз кызматы бул жагдай боюнча маалымат бере элек.

Автор: Дамира Арстанова