Парламент: Кыргызстанга алынып келген автоунаалар 5 күндүн ичинде каттоого алынбаса, ээси айып пул төлөшү мүмкүн

Кыргызстанга сырттан алынып келген автоунаалар 5 күндүн ичинде каттоого алынбаса, унаа ээси айып тартышы мүмкүн. Тийиштүү мыйзам долбоору бүгүн, 12-мартта парламентте талкууланып жатат. Депутат Сайдулла Нышанов бул мыйзамдагы айыптардын аздыгын айтып чыкты. “10 миң долларлык унаа үчүн 10 миң сом айып салыш керек. 1000 сом азыр акча деле болбой калды. Бул тармакты тартипке салабыз десек, анда жазаны күчөтүү зарыл”,- дейт Нышанов.

Башка депутаттар 5 күн деген мөөнөттү узартуу керектигин айтышууда.

Автор: Автандил Добулбеков