Депутаттар Баатыр энелерге мамлекет тарабынан жакшы кам көрүлбөй жатканын айтышууда

ЖКнын 12-марттагы жыйынында депутат Чолпон Султанбекова Кыргызстанда Баатыр энелерге мамлекеттен жакшы кам көрүлбөй жатканын айтып чыкты. “1000 сом пенсия менен чектелишибиз уят. Аларга экономикалык, социалдык жактан жеңилдиктерди беришибиз керек”,- деди депутат. Ал эми депутат Туратбек Мадылбеков мыйзам долбоорундагы “7 бала төрөп, бирок балдарынын бири соттолуп кетсе, ал энеге “Баатыр эне” наамын бербөөнү токтотуу” деген пунктуна токтолду. “Эгер 2 баласы соттолуп кетсе эмне болот? Эне үчүн бала баарынан кымбат, алар балдарын жаман болсун деп чоңойтпойт. Менимче, бул жерде соттолуу боюнча пунктту алып салыш керек”,- деди Мадылбеков.

Автор: Автандил Добулбеков