Ыргал Кадыралиева "Балдарынын бири киллер же педофил болсо, ал энеге “Баатыр эне” наамын кантип бериш керек?" деп суроо салды

ЖКнын 12-марттагы жыйынында депутат Ыргал Кадыралиева Кыргызстанда Баатыр энелердин статусу боюнча өз пикирин айтты. Айтымында, сунушталып жаткан мыйзам долбоорундагы “7 бала төрөп, бирок балдарынын бири соттолгон энеге “Баатыр эне” наамын берүүгө тыюу салууну алып салуу” пункту талаштуу.

“Бала тарбиялоодо эненин ролу зор. Балдарынын бири киллер же педофил болсо, ал энеге “Баатыр эне” наамын кантип беришибиз керек? Менимче, соттолгон адамдын кылмыштарынын оор же жеңилине караш керек”,- деди Кадыралиева.

Мыйзам долбоору 1-окууда добуш берүүгө жөнөтүлдү.

Автор: Автандил Добулбеков