Жеңиш Молдокматов: "Илья Лукашты саясатташтырып, баатыр кылбаш керек"

"Илья Лукашты саясатташтырып, баатыр кылбаш керек. Ал жөн эле өзүн пиарлап жатат". Бул тууралуу бүгүн, 12-мартта Жогорку Кеңештин алдында болгон акция учурунда “Калыс” саясий кыймылынын лидери Жеңиш Молдокматов билдирди.

Анын айтымында, Лукаштын өлкөдөн чыгып кеткени - анын өз эрки. Бирок ал айткан сөздөрүн далилдеш керек эле.

Эскерте кетсек, 27-февралда Кыргызстандагы АКШнын элчилигинин астында "Калыс" саясий кыймылы гомосексуалдардын пропагандасына каршы акция уюштурган. Анда “активист-блоггер Илья Лукаш гейлерди, бисексуалдарды колдойт жана Кыргызстанга Украинадагы Майданды алып келет” деген сөздөр айтылып, сүрөтү өрттөлгөн. Буга Илья Лукаш: “Биринчиден, мени “интернетте ЛГБТ (лесбиянкалар, гейлер, бисексуалдар, трансвеститтер) өкүлдөрүн колдогондордон топ түздү” деп күнөөлөп жатышат. Мен интернетте мындай топ ачкан эмесмин. Мен болгону "Фейсбуктагы" баракчамда ЛГБТнын өкүлдөрүнүн укуктарын коргоп келем”,- деп социалдык түйүндөр аркылуу жооп берген.

Бирок андан көп убакыт өтпөй эле "мага кысым көрсөтүү күчөгөндүктөн, Кыргызстандан кетүүнү чечтим" деп Украинага чыгып кеткен.

Автор: Бекжан Рыскулов