Жириновский: “Чоң сегиздиктен” чыгарып салуу менен коркуткудай Орусия АКШга мектеп окуучусу эмес!”

Мамлекеттик Думанын депутаты Владимир Жириновский АКШ тараптын экономикалык санкцияларынан Орусиянын коркушуна негиз жок деп эсептейт. “Бизди санкциялар таптакыр кызыктырбайт. Санкция эл аралык органдардын чечими менен орнотулат жана ал коркунучтуу окуяларга байланыштуу болот. Калкты коргоо жөнүндө сөз болуп жатканда, санкцияларды бетке кармоо – варварчылык. Бул “муздак согуштун” калдыктары, азыркыга чейин тынчтана албай жатат. Алар Сириядан, Грузиядан утулган, эми Сноуден бизде. Эптеп Орусиядан өч алышса болду”,- дейт Жириновский.

Депутат Орусиянын “Чоң сегиздикке” мүчө өлкөлөрдүн катарынан чыгаруу аракети мыйзамдуу иш эмес деп эсептейт.

“Ким ага укук берди? Мындай жетишкендик менен биз Югославияны бомбалаганы үчүн, Косово, Ливия, Ооганстан жана башкалар боюнча АКШнын өзүн чыгарууну талап кылышыбыз керек. Аларга биздин өлкөнүн аймагы керек, биздин аймак аркылуу баарын оңой өткөрө алышат. Өлкөнүн аба жолун жабалы, Пакистан аркылуу алып өтүшөбү? Жок, ал жакта теракт. Ошондуктан эч кандай санкция болушу мүмкүн эмес, бул шылдыңдоо. АКШ мектептен айдап салуу маселесин көтөргүдөй биз мектеп окуучусу эмеспиз!”- деди Жириновский.

Автор: Автандил Добулбеков