Депутаттар “Ала-Тоо финанс” агенттигин кайра ачууну сунуштоодо

Жогорку Кеңештин 13-марттагы жыйынында депутаттар Кыргызстанда “Ала-Тоо финанс” агенттигин кайрадан ачууну сунушташууда. Депутат Кенжебек Бокоев: “Бул агенттик жакыр жашаган үй-бүлөлөр үчүн абдан жакшы колдоо болчу. Жарандар күрөөгө буюм койбой насыя ала алышчу. Жантөрө Сатыбалдиев өкмөт башчылыгына келгенде муну жаап салды. Эмне, элге 7 пайыз менен насыя берүү көптүк кылып кеттиби? Муну кайрадан ачыш керек, тийиштүү органга тапшырма берели”,- деди Бокоев.

Бул сунушту жыйында бир катар депутаттар колдоого алышты.

Автор: Автандил Добулбеков