Түрмөдө жаткан экс-мэр Нариман Түлеевди белгисиз адамдар уурдап кеткени тууралуу маалымат тарады

Бүгүн, 14-мартта социалдык тармактарда түрмөдө жаткан Нариман Түлеевди белгисиз адамдар уурдап кетишкени жана анын катуу сабалганы тууралуу маалымат тарады.

Мындан сырткары экс-мэр Нариман Түлеевди УКМКнын тергөө абагында орун жоктугуна байланыштуу кайрадан №47-дарылоо колониясына алып кеткени белгилүү болду.

Эске салсак, соттун биринчи инстанциясында Нариман Түлеевдин үй-мүлкү конфискацияланып, 11 жылга эркинен ажыратылган. Ал эми мэриянын айыпталган мурдагы 5 кызматкерин 5 жылдан 13 жылга чейин эркинен ажыратуу чечими чыгарылган.

Автор: Айпери Ганыжан кызы