Таш-Мойнок айылында өткөн Жип-кросс унаа мелдешине 2 миңге чукул көрүүчү күбө болду (фоторепортаж)

Иш-чаранын коноктору даамдуу шишкебек жана ысык тамак-аш сатып алып курсактарын тойгузушту.

Жарыштын жүрүшүндө жол тандабастар ылайга тыгылган учурлар да болду.

Жарышта жол тандабастар бири-биринен оозуп жатышат.

Жип-кросс унаа жарышынын жүрүшүндө...

Жарыштын жүрүшүнөн...

Жип-кросс унаа жарышынын жүрүшүнөн...

Жарыштын жүрүшүнөн...

Жип-кросс унаа жарышынын жүрүшүнөн...

Жип-кросс унаа жарышында ушул сары жол тандабас өз категориясында жеңүүчү болуп чыкты.

Жип-кросс унаа мелдешинен көрүнүш

КРнын Коргоо министри Таалайбек Өмүралиев сүрөткө тартууда.

Министр Таалайбек Өмүралиев сүрөткө жакшы кадрды күтүп жатат.

КРнын Коргоо министри Таалайбек Өмүралиевдин сүрөт тартууга кызыкканы жана унаа жарыштын сүйүүчүсү экени журналисттерге белгилүү болду.

КРнын Коргоо министри Таалайбек Өмүралиев баласы менен унаа мелдешин сүрөткө тартууда.

Жип-кросс унаа мелдешинен көрүнүш.

Жип-кросс унаа мелдешинен көрүнүш

Унаа мелдешинин жеңүүчүлөрүнө ушундай кубоктор ыйгарылды.

Кыргызстандык танк, КамАЗ жана БТРлердин кубаттуулугу сыналып жатат.

КРнын Коргоо министрлигинин астындагы "Скорпион" аттуу атайын даярдыктагы аскердик бөлүмү террористтерди куралсыздандыруу жана кармоо боюнча окууларды көрсөтүп жатышат.

Жип-кросс унаа мелдешинен көрүнүш

Жип-кросс унаа мелдешинде КРнын Мамлекеттик Гимни аткарылууда

КРнын Мамлекеттик Гимни аткарылууда

Мелдештин катышуучулары

Жип-кросс унаа мелдешине 2 миңге чукул көрүүчү күбө болду.

КРнын Коргоо министри Таалайбек Өмүралиев: "Жип-кросс унаа мелдешинин максаты - жаштарды заманбап аскердик техника аркылуу аскердик кызматка кызыктыруу жана аларда патриоттук сезимди ойготуу"

Чүй облусуна караштуу Таш-Мойнок айылында 16-март күнү Жип-кросс унаа мелдеши болуп, ага 2 миңге чукул көрүүчү күбө болду. Иш-чара КРнын Коргоо министрлиги жана “Тейваз” тренинг борбору менен биргеликте уюштурулду. Министрликтин 73 809-аскер бөлүгүнүн базасындагы танкодромдо Коргоо министринин кубогун жеңип алуу үчүн Жип-кросс унаа мелдеши жогорку деңгээлде өттү.

Министр Таалайбек Өмүралиев иш-чаранын ачылышында мелдештин максатына токтолуп, жаштарды заманбап аскердик техника аркылуу аскердик кызматка кызыктыруу жана аларда патриоттук сезимди ойготуу экенин баса белгиледи.

Мелдеш "Скорпион" аттуу атайын даярдыктагы аскердик бөлүмүнүн террорчуларды куралсыздандыруу жана кармоо боюнча окууларды көрсөтүүсү менен башталды. Андан соң кыргызстандык танктар, КамАЗдар жана БТРлердин кубаттуулугу сыналды.

Жип унааларынын жарышына 50дөн ашуун экстремалдык айдоону сүйүүчү катышты. Унаа мелдеши туризм, спорт, абсолют жана квадрацикл категориясына бөлүндү.

Унаа жарыштын жыйынтыгында абсолют категориясында Талант Дүйшөкеев, спорт категориясында Борис Картыгин, туризм категориясында Евгений Плотников жана квадрацикл айдоочуларынын арасынан Бакыт Абыкеев жеңүүчү деп табылды.