Алмазбек Атамбаев: "Мекенин, элин коргойм деп согушка барып, кайтпай калгандарды унутсак болбойт!" (фоторепортаж)

Бул күнү Өчпөс от гүлгө толду.

Майрамга КРнын Президенти Алмазбек Атамбаев, премьер-министр Жоомарт Оторбаев, ЖКнын төрагасы Асылбек Жээнбеков, Жогорку Соттун төрайымы Феруза Жамашева катышып, Өчпөс отко гүл коюшту.

Өчпөс отко гүлчамбар коюлду.

Улуу Жеңишти алып келишкен ардактуу ардагерлерди мектеп окуучулары кол чаап тосуп алышты.

Улуу Жеңишти алып келишкен ардактуу ардагерлер үй-бүлөлөрү менен.

Улуу Жеңишти алып келишкен ардактуу ардагерлер.

Мектеп окуучулары майрамдык иш-чарага келгендерди куттуктап жатышты.

Мекен сакчылары Өчпөс отту айланып чыгышты.

Улуу Ата Мекендик согуштун ардагерин балдары, неберелери алып келишти.

Президент Алмазбек Атамбаев мекендештерди улуу майрамы менен куттуктоодо.

Улуу Жеңишти алып келишкен ардагерлер ырдап отурушту.

ЖКнын депутаты Асия Сасыкбаева да майрамдык иш-чарага катышты.

Ардагерлердин жанында ЖКнын депутаты Наталья Никитенко баласы менен отурду.

Улуу Ата Мекендик согуштун ардагери өлкөдө тынчтык болуусун тилеп келет.

Майрамдык иш-чарага катышкандар гречкадан жасалган боткодон даам татышты.

Балдар согуш техникасы менен жакындан таанышууда.

Майрамдык иш-чарада концерттик программа тартууланды.

Ардагерлерге арналып жайылган дасторкондо салттуу кара нан жана "100 грамм".

Майрамдык иш-чарага ЖКнын депутаттары катышты.

Мына бул чатырга премьер-министр Жоомарт Оторбаев жана ЖКнын төрагасы Асылбек Жээнбеков ардагерлер менен майрамдоого киришти.

Президент Алмазбек Атамбаевдин узап бара жатканы.

Президент Алмазбек Атамбаев жана премьер-министр Жоомарт Оторбаев.

Президент Алмазбек Атамбаев ардагерлерди сый-урмат көрсөтүлчү чатырга узатып барды.

Улуу Жеңиш майрамында ардагерлерге арналып жайылган дасторкон.

Президент Алмазбек Атамбаев ардагерлерди сый-урмат көрсөтүлчү чатырга узатып барды.

Бүгүн 9-Май - Улуу Жеңиш күнү Бишкектеги "Жеңиш" аянтында белгиленди. Майрамга КРнын Президенти Алмазбек Атамбаев, премьер-министр Жоомарт Оторбаев, ЖКнын төрагасы Асылбек Жээнбеков, Жогорку Соттун төрайымы Феруза Жамашева катышып, Өчпөс отко гүл коюшту.

Алмазбек Атамбаев согуш ардагерлерин жана кыргызстандыктарды куттуктап жатып, Улуу Жеңиштин 70 жылдык мааракесин чогуу тосуу тилегин айтты. Бардык ардагерлерге бекем ден соолук каалаган мамлекет башчы өз сөзүндө:

"Урматтуу мекендештерим! Улуу Ата Мекендик согуштун урматтуу ардагерлери, эмгек каармандары!Баарыңыздарды улуу майрам – Жеңиш күнү менен чын жүрөктөн куттуктайм!

Кыргызстандыктар үчүн бул ыйык майрам. Адамзаттын тарыхындагы эң кандуу жана катаал согуш Советтер Союзундагы бир дагы үй-бүлөнү кыйгап өткөн жок.

Бирөөнүн атасы, бирөөнүн агасы, баласы, бир тууганы Ата Мекенин, элин коргойм деп согушка барып, кайтпай калган. Бүгүн ар бирибиздин эскере турган адамдарыбыз бар...

Ошол кездеги эки миллионго жетпеген элибиздин 300 миңден ашууну фронтко, согушка кетишти. Алардын ичинен 95 миңи мекен үчүн курман болду. Биз аларды унутсак болбойт! Ардактуу ардагерлер, согуштун каармандары! Сиздер бар – ырысыбыз бар. Биздин бактыбызга көп жашагыла! Бар болгула, аман болгула! Сиздерге чың ден соолук, узак өмүр, бейпил турмуш каалайм! Жаңыдан бутуна туруп келаткан Кыргызстандын жакшылыгын көргүлө!”- деди.