Бишкек: Жеңиш майрамына карата ардагерлердин катышуусунда веложүрүш болду (фоторепортаж)

Улуу Ата Мекендик согуштун ардагерлери

Веложүрүштүн катышуучулары старт алууга даярданып турушат.

Веложүрүшкө Бишкектин мэри Кубанычбек Кулматов да катышты.

Веложүрүштөн көрүнүш

Согуш ардагерлери

Веложүрүштүн катышуучулары

Веложүрүшкө кыздар да катышты.

Веложүрүштүн катышуучулары жакшы маанайда болушту.

Жашоо - керемет!

Веложүрүшкө 200гө чукул адам катышты.

Кубанычбек Кулматов катышуучуларды Улуу Жеңиш майрамы менен куттуктады.

Кол чабуулар

Кубанычбек Кулматов ардагерлерди сахнада тосуп жатат.

Улуу Ата Мекендик согуштун ардагерлери

Бишкектин мэри согуш ардагерлерин баалуу сыйлыктар менен сыйлады.

Мэр Кубанычбек Кулматов согуш ардагерлерин баалуу сыйлыктар менен сыйлады.

Мэр Кулматов бир гана согуш ардагерлерин эмес, спорт ардагерлерин да сыйлады.

Бишкекте бүгүн, 9-майда Улуу Жеңиштин 69 жылдыгына карата согуш ардагерлеринин катышуусунда веложүрүш өттү. Веложарыш саат 18:00дө Курманжан датка - Ахунбаев көчөлөрүнүн кесилишинен башталды. Анын катышуучулары Манас проспекти менен Чүй проспектине, анан “Ала-Тоо” аянтына барышып, шаардын эски аянтынан токтошту. Жалпысынан 200дөй адам катышты.

Иш-чарада колоннаны согуш ардагерлери отурган 4 автоунаа, Жол кыймылын көзөмөлдөө кызматынын 5 мотоцикли жана башка унаалар коштоп келишти.

Бишкектин мэри Кубанычбек Кулматовдун айтымында, веложүрүштү мэрия бир топ компаниялар менен биргеликте уюштурду. “Бүгүн биз ардагерлерибизди колдоо максатында ушул иш-чараны өткөрдүк. Менин оюмча, абдан жакшы өттү. Анткени ардагерлер унаа менен борбор калааны кыдырып бара жатканда, жарандар аларга кол көтөрүп, жакшы маанайларын тартуулашты”,- деди мэр. Иш-чаранын соңунда Кулматов согуш жана спорт ардагерлерин баалуу сыйлыктар менен сыйлады.

Автор: Нургазы Аматов
Фото: Нургазы Аматов