Японияда "Таш бака" такси кызматы иштей баштады

Японияда жаңы кызмат, тагыраак айтканда, "Таш бака" такси кызматы иштей баштады. Бул такси кызматынын башкалардан өзгөчөлүгү - жай жүргөндүгүндө. Бул тууралуу бүгүн, 30-майда чет элдик маалымат каражаттары жазып чыгышты.

Маалыматка ылайык, таксиге отурган кардар ылдамдыктын жай болушун же токтотууну кааласа, анда арткы орундукта жайгаштырылган баскычты басуусу керек. Бул кызмат эч жакка шашпаган жарандарга, боюнда бар айымдарга, кары-картаңдарга жана баласы уктап жаткандарга ылайыкталган.

Азырынча бул сервис Иокогам шаарында гана иштөөдө. Бирок компания Япониянын башка шаарларына бул кызматты ачууну пландап жатат.

Автор: Дамира Арстанова
Фото: Интернеттен алынды