Боливияда дүйнөдөгү эң бийик асма жол ишке киргизилди

Асма жолдун бийиктиги 4150 метр.

Шаар үстүндөгү асма жолдун кабиналары.

Асма жолдун ачылышына Боливиянын президенти Эво Моралес жана вице-президенти Гарсия Линер катышты.

Жолдун ачылышы концерттик программа менен коштолду.

30-майда Боливияда дүйнөдөгү эң бийик асма жол ишке киргизилди. Анын бийиктиги 4150 метр. Бул жол өлкөнүн борбору Ла-Пас менен Эль-Альто шаарын бириктирип, узундугу 10 чакырымды түзөт. Бул тууралуу бүгүн, 4-июнда чет элдик маалымат каражаттары жазып чыгышты.

Маалыматка ылайык, асма жолдун ачылышына Боливиянын президенти Эво Моралес жана вице-президенти Гарсия Линер катышты. "Бизге эң жакшы мүмкүнчүлүк түзүлдү. Аябай кубанычтабыз",- дешет өлкөнүн борборуна каттап иштеген Эль-Альто шаарынын тургундары.

Белгилей кетсек, буга чейин дүйнөдөгү эң бийик асма жол катары Индиядагы Гульмарг жолу эсептелинип келген. Анын бийиктиги 4114 метрди түзөт.

Автор: Дамира Арстанова