Бишкектеги №4-төрөт үйүндө жаңы төрөлгөн ымыркайдын сатылышы боюнча сот 14-августта болот

Бишкектеги №4-төрөт үйүндө жаңы төрөлгөн ымыркайдын сатылышы боюнча сот отуруму 14-августта болот. Бул тууралуу Жогорку Соттун басма сөз кызматы бүгүн, 31-июлда кабарлады.

Маалыматтарга ылайык, сот айыпталуучу тараптын апелляциялык арызынын негизинде орун алмакчы.

Эске салсак, өткөн жылдын 5-ноябрында Бишкектеги №4-төрөт үйүнөн ымыркай уурдалганы маалымдалган. Кийин 10 күнгө жетпей ымыркай Асанбай кичи районунан табылган. Аталган кылмышка шектүү катары эки дарыгер айым жана ымыркайды сатып алган аял кармалган эле. Кылмышка шектүү болгон Нуржан Мекенова, Шарапат Мамырканова жана Бегайым Алиеванын иши боюнча сот отуруму 19-июнда болгон. Соттун чечимине ылайык, Бегайым Алиева менен Шарапат Мамырканова 15 жылга эркинен ажыратылышса, Нуржан Мекеновага 270 миң сом айып пул салынган.