Бразилияда башы артка бурулуп төрөлгөн Клаудио дасыккан оратор катары дүйнөнүн ар тарабынан чакыруу алууда

Дүйнөдө таң калтырган көптөгөн дарттардын бири артрогрипоз (сөөк булчуңунун жабыркаганы менен төрөлөт) болуп саналат. Көпчүлүк учурда бул оору адамдардын муундарына тийип өтөт. Чет элдик басылмалар 3-сентябрда дал ушундай илдетке кабылган бразилиялык Клаудио Виейра де Оливейра тууралуу жазып чыгышты.

Бул дарт анын моюнун зыянга учуратып, башы артка бурулуп калган. Клаудио Виейра де Оливейра жарыкка келгенде жашап кетүүгө мүмкүнчүлүгү аз болгону айтылат. Адамдар апасына наристе ачкадан каза болуш үчүн эмизбөө тууралуу кеңешин беришкен. Физикалык жактан чектелүүсүнө карабастан, Клаудио дарыгерлерге чакырык таштап, өз алдынча жүрүүгө гана эмес, эсепчи жана оратор болууга жетишкен.

“Мен кичине кезимде өзүмдү дайыма бир нерсе менен алаксытчумун жана бирөөгө көз каранды болгонду жактырчу эмесмин. Бүгүн мен эсеп-кысап жаатында иш алып барам жана семинарларды өткөрөм. Буту-колумдун туура эмес жетилгенине карабай өз алдымча телевизор, радио күйгүзгөндү, чөнтөк телефонумду алганды, компьютер жана интернет колдонгонду үйрөндүм”,- дейт 37 жаштагы Клаудио.

Көз карандысыз Клаудио өз күчү менен Фейра-де-Сантананын мамлекеттик университетинде окуп, эсепчи кесибине ээ болгон. 8 жашында тизеси менен басканга үйрөнө баштаган. Мындан улам баласынын тепкичтен түшүүсүнө ыңгайлуу болуш үчүн үй-бүлөсү биринчи кабатка көчүшкөн.

“Мен бул дүйнөгө көндүм жана өзүмдү башкача сезбейм. Ошондой эле буюмдарды тескери көрө албайм. Мен буларды дайыма семинарларымда айтып келем”,- дейт ал.

Клаудио коомчулук менен иштегенден коркпой турганын жана сырткы келбетинен уялбаганын айтат. Бул коркунучтуу дартка жашоосун бузууга жол бербеген эрктүү адам азыркы тапта дүйнөнүн ар тарабынан чакыруу алган дасыккан оратор.

Автор: Динара Абдыкадырова
Фото: Интернеттен алынды

13:40 04-09-2014

Жазылуу

РУБРИКАДАГЫ СОҢКУ КАБАРЛАР

16:55 2025-04-30 | Коом жана турмуш

Биринчи класска кабыл алуу үчүн жасалма бот ишке кирди 29 0

16:33 2025-04-30 | Коом жана турмуш

1-майга карата аба ырайы 178 0

16:21 2025-04-30 | Коом жана турмуш

Ош шаарынын мэри эки кызматкерин алмаштырды 265 0

16:20 2025-04-30 | Коом жана турмуш

Адылбек Касымалиев Жапониянын Юстиция министрин кабыл алды 89 0

16:15 2025-04-30 | Коом жана турмуш

Өзгөчө кырдаалдарга байланышкан өнүктүрүү концепциясы бекитилди 80 0

16:07 2025-04-30 | Саясат

Жанар Акаев: "Ак үйдүн каягынан кирбе арыздангандар" (видео) 243 0

Архив

Комментарийлер (9)

sardaralay

2014-09-04 14:52:25

Субханаллах, жакшы адам экен.

Ariet7

2014-09-04 15:01:54

Ээ азыр колу буту соо адамдар журушпойбу кайры сурап..ден соолугу чындарга караганда кандай иштейт экен аж семинарларды алып барат экен.оо кудай баары адамдын жан дуйносунон, аракетинен экен да

kursantbek

2014-09-04 15:20:36

тан калыштууу))))

april

2014-09-04 15:21:29

тобо кылдым, аябай кучтуу адам экен. адамзаты бардыгына көнө беребиз да.

WINNER

2014-09-04 18:25:52

Ата-Энесине рахмат,чанып кетпей багышкан.

dota123

2014-09-04 19:22:49

Алаталам берген омуру менен жашап журот да айла жок башкага. АЛХАМДУЛА

beka88

2014-09-04 21:44:22

Аллахтын керемети да!

Manasemetei

2014-09-05 05:07:28

Toboo

Desmond

2014-09-06 00:54:31

Блииииин

Комментарий калтыруу үчүн өз ысымыңыз менен кириңиз же каттоодон өтүңүз.