“Ар кимдин иштегенине жараша пенсия берүү үчүн Социалдык фонд реформа жүргүзгөнү жатат” деди депутат Ниязалиева

Кыргызстанда ар кимдин иштегенине жараша кийин пенсия берүү үчүн Социалдык фонд реформа жүргүзгөнү жатат. Бул тууралуу бүгүн, 18-сентябрда Жогорку Кеңештин депутаты Дамира Ниязалиева “Парламент” радиосунун түз байланышында билдирди. Депутат бул багытта жер-жерлерде угуулар, талкуулар өткөрүлүп жатканын белгиледи. Ошондой эле жыл сайын баалардын көтөрүлүшүнө жараша индексация болуп турсун деген максатта Жогорку Кеңеш тарабынан мыйзам кабыл алынганын кошумчалады. Анын негизинде 2011-жылдан тартып бир жылда эки жолу пенсияга кошумча каражат кошула баштады.

Автор: Автандил Добулбеков