Парламент чек ара аймагында жашаган жарандардын курал алып жүрүшүнө макулдук берген мыйзам долбоорун экинчи окууда жактырды

Жогорку Кеңештин 18-сентябрдагы жыйынында депутаттар Кыргыз Республикасынын “Чек ара ыйгарым укуктуулары” жөнүндө мыйзам долбоорун экинчи окууда колдоого алышты. Мыйзам долбоорунун демилгечилери - депутаттар Бакыт Төрөбаев, Алмазбек Баатырбеков. Мыйзам долбооруна ылайык, чек арага чектеш жашаган аймактардагы айрым жашоочуларга курал көтөрүүгө макулдук берилет. Курал көтөрүүгө макулдук алгандар төлөм негизинде мамлекеттик чек араны кайтаруу ишине тартылышат.

Автор: Жамалидин Парманкулов