Тажикстан Кыргызстанга электр энергиясын сатууну октябрда токтотот

Кыргызстан быйыл октябрь айында Тажикстандан электр энергиясын импорттоону токтотот. Муну 18-сентябрда ЖКнын жыйынында өкмөт башчы Жоомарт Оторбаев билдирди. "Алар да кышка даярдык көрүүнү баштады, ошондуктан бизге электр энергия берүүнү токтотушат",- деди өкмөт жетекчиси. Тажикстандын электр энергиясын берүүнү токтотушу Кыргызстанга кошумча оорчулук алып келбей турганы айтылды. Энергетика жана өнөр жай министри Осмонбек Артыкбаев Казакстандан 500 миллион киловатт-саат электр кубатын алуу боюнча сүйлөшүү жүрүп жатканы айтылды.

Айта кетсек, парламент жыйынында өкмөттүн быйылкы кышка даярдыгы талкууланууда.

Автор: Автандил Добулбеков