Кыргызстан Бажы биримдигине киргенден кийин чек арадан Бажы кызматы алынат

Кыргызстан Бажы биримдигине киргенден кийин кыргыз-кытай чек арасынан башка чек ара тилкелеринен Бажы кызматы алынат. Бул тууралуу өкмөткө караштуу Мамлекеттик бажы кызматынын төрагасы Адамкул Жунусов 23-сентябрда Жогорку Кеңештин Мыйзамдуулук, укук тартиби жана кылмыштуулук менен күрөшүү комитетинин жыйынында айтты. Анын айтымында, Бажы кызматы тарабынан кыргыз-кытай чек арасы гана көзөмөлдөнөт. “Бажы кызматы алынганы менен, чек арачылар ордуларында иштеп кала беришет. Бирок бажы кызматкерлеринин саны кыскарбайт, алар башка тилкелерге барып иштешет”,- деди Жунусов.

Автор: Жамалидин Парманкулов