Кыргызстанда 4 салык кызматкери аттестациядан өтпөй калды

Сентябрь айында Мамлекеттик салык кызматынын Ысык-Көл, Нарын, Ош, Баткен, Жалал-Абад облустарындагы жана Ош шаарындагы кызматкерлери аттестациядан өтүштү. Жалпы 338 кызматкер сынактан өтүшү керек болсо, анын 325и катышты. Жыйынтыгында 271 кызматкер ээлеген кызматына татыктуу, 4 адис татыктуу эмес деп табылганын Мамлекеттик салык кызматы билдирди. Жогорку упай алган 26 кызматкерди кызматтарынан жогорулатуу сунушу берилсе, 24 кызматкер 6 айдан кийин кайрадан аттестациядан өтүшмөкчү.

Аттестация 3 этап менен өттү: компьютердик тест, калп тапкычтан өтүү жана аңгемелешүү. "Аттестациянын максаты - мамлекеттик кызматкердин кызматтык жана кесипкөйлүк ишмердүүлүгүн калыс баалоо",- деп билдирет мекеме.

Автор: Автандил Добулбеков